ال #Communication_Skills او مهارات التواصل الاجتماعي
كلنا عارفين ان اي حد فينا عشان يقدر يعيش في مجتمع بشكل طبيعي , لازم يتعامل مع اشخاص كتير حوليه , يعني هتتعامل مع صحابك , قرايبك , اخواتك و اهلك فالبيت , الجيران حتي عم ابراهيم بتاع الخضار الللي جنب البيت دا غير علاقاتك الرسميه زي زمايلك فالشغل و دول بتتعامل معاهم بشكل اكيد طبعا مختلف عن معاملتك مع مديرك فالشغل او مدير مدير مديرك مثلا او مثلا زمايلك فالجامعه او الدكتور اللي بيدرسلك كل دي علاقات اجتماعيه حوليك بتكونلك شبكة علاقات و تواصل مع كل الناس اللي فحياتك دي اكيد طبعا كل فرد في دول بيبقى ليه شكل مختلف في طباعه و طريقته و بالتالي لازم يكون ليه شكل مختلف في معاملتك معاه و من هنا بقى عندنا مبدأ ال #Communication_Skills ايه هي بقى ال Communication skills او مهارات التواصل دي مهارات التواصل الاجتماعيه دي هي عباره عن طريقه بنقدر نتعامل بيها مع الناس اللي حولينا بهدف توصيل الرساله اللي عايزين نبلغها للناس اللي بنتعامل معاها بوضوح
طب و المفروض هعمل دا ازاي !؟ المفروض عشان اقدر اتواصل مع الناس اللي حوليا بشكل صحيح لازم احقق الصفات دي في التواصل بتاعي 1- الاستماع الجيد ( Good listening ) انك تسمع الناس كويس دا من اهم الشروط اللي موجوده عشان تفهم اللي قدامك , كام مره بيكون في سوء فهم و عوائق فالتواصل بينك و بين اي شخص تاني لمجرد انك مسمعتوش بعض كويس 2- الوضوح ( Clarity ) لو عايزك تتناقش مع اي حد فالدنيا و يكون النقاش ناجح و مفهوم و خالي من اي لبس او سوء فهم لازم تكون بتتكلم بوضوح عشان تحقق الهدف الاساسي من النقاش ( انك توصل رسالتك بوضوح ) 3- الوِد فالتعامل ( Friendliness ) ان تتعامل مع الناس و انت اسلوبك لطيف و في ابتسامه علي وشك احسن مليون مره من انك تتعامل و انت مكشر و مكتئب و دا طبعا هيشجع الناس انها تتكلم معاك او تتعامل معاك اكتر لانك شخص ودود 4- الثقه ( Confidence) ثقة الشخص بنفسه و طريقته فالكلام بتأثر جداً علي الناس اللي بتكلمها و بتسمعك لان لو انت شخص مهزوز و مش قادر تكون واثق في كلامك و طريقتك ضعيفه الناس مش هتحب تسمعك كتير او تتواصل معاك كتير 5- الاحترام ( Respect) انك تبقى محترم دا شرط اساسي مفيهوش اي استثنائات و انت بتتعامل مع اي حد لازم تكون محترم لنفسك قبل ما تكون محترم الناس اللي حوليك ( يعني طريقة كلامك , هزارك , اسلوبك فالنقاش ) و طبعاً اياك و الصوت العالي فالحوار مع اي شخص 6- العقل المتفتح ( Open Minded) علشان يكون العلاقه بينك و بين الاشخاص اللي في حياتك علاقه سليمه و مريحه للطرفين لازم يكون في تفاهم و قبول لرآي الطرف الاخر دا .. مش دايما بنكون صح , عشان كدا لازم نتقبل فكرة النصيحه و نقبل فكرة ان ممكن نكون غلطانين ( و دي حاجه مهمه جداً)
اخيراً لازم نعرف ان التواصل ليه اكتر من شكل و اكتر من طريقه و كلهم بيبقوا مهمين و معبرين جداً
بس المهم انك تقدر تختار الشكل المناسب ليك و للشخص اللي بتتعامل معاه عشان تبقى علاقتك ناجحه بيه و مريحه ليكم انتوا الاتنين
#Skills_Everywhere
#Skills_of_Communication
#Follow_The_Path
#Share_if_you_care