Talk Well , Communicate Well

لو انت متابع السلسله اللي بدأت معانا عن مهارات التواصل الاجتماعي فأكيد انت شوفت البوست اللي بيتكلم عن مهارات التواصل الاجتماعي ( Communication Skills ) بشكل عام و اكيد شوفت البوست اللي بيتكلم عن مهارات الاستماع الجيد ( Good Listening Skills) و دي كانت اول نقطه بدآنا نوضحها في الحاجات اللي محتاج اتعلمها عشان تكون علاقاتي بالناس احسن و عشان كمان التواصل بيني و بين الناس يكون مريح اكتر و واضح اكتر.

لو انت مش متابع و الكلمتين اللي فوق دول شدوك و حابب تقرأ المقالين اللي كاتب عنهم دول اذن .... ادخل عاللينكات دي

بوست مهارات التواصل الاجتماعي : https://waslatrainingteam.wixsite.com/home/blog-1/ho-to-communicate-well-with-others

بوست مهارات الاستماع الجيد :

https://waslatrainingteam.wixsite.com/home/blog-1/good-listening-skills

و نكمل السلسله بتاعتنا النهارده بالكلام عن ازاي بعد ما سمعت الناس كويس .. اني اعرف ارد كويس

الردود فالغالب بتكون سبب كبير جدا ان علاقتك بحد تتحسن او انها تبوظ , في ناس بيكون معروف عنها ان كلامها حلو و محبوبين و في حد تاني تسمع عنه انه كلامه " دبش "

طب ايه اللي المفروض اعمله عشان تكون ردودي كويسه او عشان الناس تحب الكلام معايا و مكونش تقيل علي الناس في كلامي

لازم نتعلم حاجه اسمها فن الردود .....

فن الردود هو عباره عن طريقه كويسه و سهله اقدر ارد بيها عالناس من حوليا .. الكلام كله بيكون فالغالب معناه واحد بس طريقتك و انت بتقول الكلام دا هي اللي بتفرق مع الناس في انها تتقبل الكلام دا او لا.

طب ايه اهم الحاجات اللي لازم اعرفها عشان احسن من ردودي عالناس

1- خد بالك انك متتكلمش مع حد باسلوب وحش ( حط نفسك مكان الشخص اللي بتكلمه و شوف الكلام هيكون مقبول بالنسبالك او لا )

2- الرد المناسب هيطلع لما تكون سمعت بشكل كافي و مش بس كدا .. تكون سمعت المتحدث بتركيز زي ما قولنا في البوست اللي فات ( انك تكون Pro-Active Listener )

3- خد 5 ثواني بس فكر في كلامك قبل ما تقوله ( النصيحه دي اخدتها من حد عزيز عليا و فعلا مؤثره و نتيجتها قويه في تقوية العلاقات )

4- فرق كويس بين الكلام و المتكلم ( مش شرط عشان متعارض معايا في رايه يبقي اكرهه و اكلمه بأسسلوب مش مقبول )

5- راقب نفسك و انت بتكلم اي حد .. خد بالك من تعبيرات وشك , حركات ايدك .. الحاجات دي بتدي انطباع مش حلو عند اي حد بيسمعك

الحاجات دي كلها هتفتح مجال كويس للكلام بينك و بين الناس و هيبقى النقاش بينكم مريح ليكم و نقاش مفيد مش مجرد كلام و اختلاف رآي و انتهى بخلاف زي ما بنشوف في معظم الناس دلوقتي

اخيراً احب اقولك ان لو هتتكلم مع حد و حاسس انك هتنتقده .. حاول تنتقده بعيد عن الناس ( بينك و بينه ) , راعي الوقت و المكان المناسبين عشان تنتقد حد , خليك واضح و مباشر جدا , و حاول جدا تأكد علي النقط الكويسه اللي الشخص ( ميبقاش كل كلامك سلبي )

لو استفدت من البوست دا من فضلك اعمل Share

و لو مقريتش ال Posts اللي فاتت و حابب تقراها اللينكات موجوده في اول البوست

و لو عايز تتابعنا هتلاقي الفيسبوك هنا : https://www.facebook.com/helmy.hanna.984

و هتلاقي Linkedin هنا : https://www.linkedin.com/in/helmy-edward-609102116/

#Skills_Everywhere

#Skills_of_Communication

#Follow_The_Path

#Follow_Helmy

#Share_if_you_care